Óskað eftir samstarfi við minkaveiðimenn

Náttúrustofa Vesturlands leitar nú eftir samvinnu við minkaveiðimenn vegna rannsóknarverkefnisins „Íslenski minkastofninn – stofngerð og áhrifaþættir stofnbreytinga“. Minkur er framandi og ágeng tegund hér á landi. Mikilvægt er að lágmarka tjón af hans völdum og auka þekkingu á stofninum. Nú […]

Náttúrufræðileg úttekt á Skúmey

skumeyNú í sumar tók Náttúrustofa Austurlands þátt í fjórum leiðöngrum í Skúmey á Breiðamerkurlóni undir stjórn Náttúrustofu Suðausturlands auk fulltrúa frá Vatnajökulsþjóðgarði og Fuglaathugunarstöðvarinnar á Suðausturlandi. Tilgangurinn var náttúrufræðileg úttekt á eynni en ekki hvað síst að slá tölu á helsingjahreiður en stórt helsingjavarp var í Skúmey í vor. Hlutverk Náttúrustofu Austurlands var að koma þar af stað gróðurvöktun. Í fyrstu ferðinni í lok maí voru fjórir 100 fermetra reitir afmarkaðir og þeir síðan heimsóttir aftur mánuði síðar, þá var gróður greindur og þekjumældur. Í lok júlí var síðan haldið í þriðju ferðina, mikil breyting hafði orðið á milli mánaða og þá mátti sjá plöntutegundir sem ekki höfðu sést í fyrri ferðum, líklega vegna beitar í júní. Þann 1. september var síðan haldið í fjórðu og síðustu ferðina þetta árið, þá var farið yfir reitina og fyrri úttektir staðfestar.[widgetkit id=122]

Guðrún í umhverfismálin

Þann 1. september hóf Guðrún Magnea Magnúsdóttir störf á Náttúrustofu Vesturlands sem verkefnisstjóri EarthCheck umhverfisvottunarverkefnis sveitarfélaganna á Snæfellsnesi. Guðrún hefur BA próf í mannfræði og MA próf í þróunarfræðum og alþjóðasamskiptum. Starf hennar felur m.a. í sér umsjón með framkvæmd […]

Eruágengar tegundir bóla?

Í einhverjum tilfellum virðast stofnar ágengra tegunda hrynja eftir að hafa náð miklum þéttleika. Af þeim sökum hafa ýmsir verið þeirrar skoðunar að óþarft sé að ráðast í aðgerðir gegn ágengum tegundum almennt. Hversu algengt er að stofnar ágengra tegunda […]

Samnorrænt verkefni um smitsjúkdóma

Náttúrustofan tekur nú þátt í stóru norrænu verkefni um smitsjúkdóma og heilbrigði hreindýra á norðurslóðum, einkum í ljósi hnatthlýnunar. Arctic University of Norway leiðir verkefnið en auk þeirra taka Norwegian Veterinary Institute, Norwegian Institute of Nature Research og Northern Research Institute þátt í því. Það tengist líka verkefni (Climate-change effects on the epidemiology of infectious diseases and the impacts on Northern Societies ) við Umeå University.

Morten Tryland leiðir vinnuna hér á landi sem einungis er möguleg í góðu samstarfi við leiðsögumenn með hreindýraveiðum. Þau munu kynna verkefnið og helstu smitsjúkdóma fyrir stjórn leiðsögumanna með hreindýraveiðum og fleirum áður en þau hverfa suður á bóginn. Ráðgert er að endurtaka leikinn að hausti.

Auk þessa safnar Náttúrustofan heilasýnum fyrir MAST en amerísk hjartarriða (Cronic Wasting Disease) fannst í fyrsta sinn í Evrópu í norskri hreindýrahjörð í vetur.

Náttúrustofan þakkar öllum kærlega sem lagt hafa okkur lið en niðurstöðurnar munu auka mjög á þekkingu okkar á heilbrigði íslensku dýranna

 


Samtök náttúrustofu | Mýrargötu 10 | 740 Neskaupsstað | kt 660802 2580 | netfang: sns (hjá) sns.is