Dagur hinna villtu blóma er 17. júní í ár

Dagur hinna villtu blóma er 17. júní þetta árið. Að því tilefni verður farið í gönguferð og genginn hringur um holt og móa. Mæting kl. 14 við Sævang við Steingrímsfjörð næstkomandi sunnudag. Gert er ráð fyrir að fara hægt yfir. Leiðbeinandi er Hafdís Sturlaugsdóttir. Gönguferðin er samvinnuverkefni Náttúrubarnaskólans, Náttúrustofu Vestfjarða og Sauðfjárseturs í Sævangi. Allir eru velkomnir í gönguna og tilvalið að fá sér kaffi á eftir í Sævangi.

Úrkoma á Höfn í maí 2018

Á Höfn er mæld úrkoma og fleiri veðurathuganir gerðar að Höfðavegi 10. Í maí komu 188,6mm í þann mæli sem er 240% af meðalmánaðarúrkomu áranna 1961-1990 þar. Metið sem hefur mælst á Höfn í maí eru 201,2mm árið 1978. Svo maímánuður þessa árs er í öðru sæti hvað varðar úrkomumagn. Í fyrra mældust 178,9 mm […]

The post Úrkoma á Höfn í maí 2018 appeared first on Nattsa.

Flugu 14.000 km leið til þess eins að vera skotin á óðali sínu

Menn bera mis mikla virðingu fyrir náttúrunni. Við árlegar talningar á mófuglum, sem nú eru nýhafnar, gengu starfsmenn Náttúrustofunnar fram á vitnisburð um algjört virðingarleysi gagnvart náttúrunni, svo ekki sé fastar að orði kveðið. Kjóapar hafði verið skotið þar sem það hafði setið á óðali sínu í undirbúningi varps, sem er að hefjast um þessar […]

Vetrarbeit hreindýra og fataskápakörfur

1 IMG 3581Síðan 2016 hafa nokkrar körfur staðið á hvolfi uppi í hlíðinni fyrir ofan Neskaupstað. Þær marka tilraunareiti og eru þar til prufu fyrir rannsóknir á vetrarbeit hreindýra sem komið verður á laggirnar í haust uppi á hásléttu Austurlands.
Tilgangur karfanna er að skapa afmarkað svæði þar sem fléttugróður, sem hreindýr sækja í á veturna, er ekki bitinn og bera það svæði síðan saman við svæði í nágrenni karfanna þar sem hreindýrin hafa greiðan aðgang að fléttum. Þessar rannsóknaraðferðir eru að fordæmi norska hreindýra- og beitarsérfræðinga sem starfsmenn Stofunnar heimsóttu sumarið 2016 og mun einn þeirra koma hingað í heimsókn í haust og leiðbeina við uppsetningu rannsóknarinnar.

Með öræfin í bakgarðinum

RáðstefnanRáðstefna um tengsl hálendis og samfélags á Austurlandi var haldin dagana 24.-25. maí á Hótel Héraði. Ráðstefnan var að frumkvæði Unnar Birnu Karlsdóttur hjá Stofnun rannsóknasetra Háskóla Íslands á Austurlandi í samvinnu við Söguslóðir Austurlands, Náttúrustofu Austurlands, Minjasafn Austurlands, Vatnajökulsþjóðgarð/Snæfellsstofu og Óbyggðasetur Íslands. Tveir starfsmenn Náttúrustofu Austurlands héldu erindi á ráðstefnunni, Skarphéðinn G. Þórisson fjallaði um hreindýr og gæsir á hásléttu Austurlands og Guðrún Óskarsdóttir um gróður á hásléttu Austurlands. Önnur erindi fjölluðu m.a. um jarðfræði, eldvirkni, byggðasögu og hreindýraveiðar á Austurlandi og voru allir á einu málu um að öll erindin hafi verið afar fræðandi og skemmtileg.


Samtök náttúrustofu | Mýrargötu 10 | 740 Neskaupsstað | kt 660802 2580 | netfang: sns (hjá) sns.is