Ársskýrsla 2016 komin út

Ársskýrsla Náttúrustofa Vestfjarða fyrir árið 2016 er komin út.

2016 var tuttugasta starfsárið náttúrustofunar en hún er ein af átta náttúrustofum sem starfa víðsvegar um landið. 

það eru sex sveitarfélög sem eiga formlega aðild að Náttúrustofu Vestfjarða: Vesturbyggð, Tálknafjarðarhreppur, Bolungarvíkurkaupstaður, Ísafjarðarbær, Súðavíkurhreppur og Strandabyggð.

Í skýrslu forstöðumanns segir meðal annars: "(...) Starf náttúrustofunnar gekk líka vel á árinu 2016 og er reksturinn áfram jákvæður. (...) Mikill tími fór í öflun upplýsinga varðandi lög og reglugerðir um fiskeldi en það verkefnasvið er að taka miklum breytingum um þessar mundir þegar umfang greinarinnar fer ört vaxandi. Verkefni fyrir Vegagerðina voru umfangsmikil en rannsóknir í tenglsum við vegaframkvæmdir frá Þórskafirði að Skálanesi annarsvegar og í tengslum við vegaframkvæmdir um Dynjandisheiði og Bíldudalsveg hinsvegar, var stór þáttur af verkefnum stofunar þetta árið. (...)".

 Hægt er að skoða skýrsluna hér: Náttúrustofa Vestfjarða. Ársskýrsla 2016

Ársskýrsla 2016

Á dögunum kom út ársskýrsla Náttúrustofunnar fyrir árið 2016. Hana má nálgast hér.

Dagur hinna villtu blóma á Vestfjörðum

Náttúrustofa Vestfjarða verður með gönguferðir á Degi hinna villtu blóma sunnudaginn 18.júní nk. Dagur hinna villtu blóma er haldinn í samstarfi við Flóruvini. Farnar verða tvær gönguferðir annars vegar í norðursvæði Vestfjarða og hins vegar á Ströndum.

Á norðursvæði Vestfjarða verður gengið um Grasagarða Vestfjarða í Bolungarvík og skoðaðar plöntur kl 14:00.

Á Ströndum verður farið frá Sauðfjársetrinu í Sævangi í samvinnu við Náttúrubarnaskólann. Gönguferðin er kl. 14:00 og verður lögð áhersla á bersvæðisplöntur en aðrar plöntur auðvitað greindar líka. Á eftir er svo tilvalið að stoppa í kaffi í Sævangi og ræða um hvaða plöntur sáust og þess háttar.

Öllum er heimil þátttaka í gönguferðunum og hún er þátttakendur að kostnaðarlausu.

Fleiri göngur eru annarsstaðar á landinu og eru þær auglýstar inn á heimasíðunni „Flóra Íslands“ http://www.floraislands.is/Annad/blomdag.html

 

Sumarstarfsmenn

Sumarið er jafnan annasamasti tími ársins hjá Náttúrustofunni en þá fer gagnasöfnun að mestu fram. Verkefnin eru jafnan mörg og fjölbreytt en þeim má skipta í vöktunarverkefni, tímabundin rannsóknaverkefni og þjónusturannsóknir. Vöktunarverkefni Náttúrustofunnar eru mörg hver tengd fuglum en auk fuglavöktunar hefur Náttúrustofan verið með vatnavöktun og fiðrildavöktun. Síðustu ár hafa tímabundin rannsóknaverkefni Náttúrustofunnar að […]

Af flugum

Föstudaginn 19. maí s.l. voru flugnagildrur Náttúrustofunnar settar upp fyrir sumarið. Flugnagildrurnar, fimm talsins, eru staðsettar við Miklavatn og Sílalækjarvatn í Aðaldal og Víkingavatn, Skjálftavatn og Ástjörn í Kelduhverfi. Gildrurnar eru jafnan settar upp í kringum 20. maí ár hvert og tæmdar mánaðarlega yfir sumarið. Um er að ræða svokallaðar rúðugildrur, gerðar úr plexigleri (sjá […]

Samtök náttúrustofu | Mýrargötu 10 | 740 Neskaupsstað | kt 660802 2580 | netfang: sns (hjá) sns.is