Síðastliðnar vikur hafa sérfræðingar Náttúrustofu Suðausturlands unnið að rannsókn á smádýralífi í leirunum í Skarðsfirði. Tilgangurinn er að fá yfirlit á lífríki svæðanna en sambærileg rannsókn var gerð á leirum Skarðsfjarðar árið 1979. Fyrir þetta verkefni leitum við að ljósmyndum af Skarðsfirði á fjöru, sem teknar voru á árunum 1970-1990. Slíkar myndir hjálpa til að öðlast betri sýn í ástand svæðisins á því tímabili og framvindu leiranna í Skarðsfirði til okkar daga. Myndir má senda stofunni á Facebook, á netfangið hoffy@nattsa.is eða koma með þær á skrifstofur starfsmanna á vesturgangi neðri hæðar í Nýheimum.

The post Náttúrustofan óskar eftir ljósmyndum appeared first on Nattsa.is.

Nú er veiðitímabil heiðagæsa hafið. Náttúrustofa Austurlands er með GPS senda á rúmlega 20 heiðagæsum víðsvegar um heiðar Austurlands.

Við viðjum því biðla til gæsaskytta að hlífa merktum gæsum ef hægt er. Við gerum okkur þó grein fyrir því að erfitt getur verið að koma auga á senda í rökkri og því getur komið fyrir að merktar gæsir séu skotnar.

Ef það kemur fyrir að merkt gæs er skotin biðjum við viðkomandi veiðimann koma sendi aftur til Náttúrustofunnar. Sendar sem eru í heilu lagi eru nýttir aftur, en gögnin sem safnast frá þessum sendum eru okkur afar mikilvæg.

Náttúrustofa Austurlands Tjarnarbraut 39b á Egilsstöðum.
Náttúrustofa Austurlands Bakkavegi 5 í Neskaupstað.

Um helgina komu fimm tékkneskir grasafræðingar frá Krknoše þjóðgarðinum í heimsókn til Náttúrustofu Austurlands. Heimsóknin var nýtt til að skoða Gerðisfriðland sem m.a. er friðlýst vegna sjaldgæfra plöntutegunda sem þar finnast. Farið var frá Gærnanesi um Götuhjalla fyrir Hellisfjarðarmúla til Hellisfjarðar í blíðskaparveðri. Gengið var á eðlilegum grasafræðingshraða sem er um tvisvar sinnum hægari en venjulegur gönguhraði. Á leiðinni var víða stoppað til að skoða gróður og borða guðdómleg ber. M.a. var heilsað upp hinn friðlýsta og sjaldgæfa lyngbúa (Ajuga Pyramidalis) í Hellisfirði og nokkrar lúpínu plöntur rifnar upp sem farnar voru að ógna vaxtarstað hans þar. Ferðinni lauk með siglingu um Norðfjarðarflóa í dauðalogni.

Myndin af lyngbúanum tekin í maí 2025